Россиянинг Кудрово шаҳридаги қурилиш майдончасида ўзбекистонлик ишчи уч метр баландликдан йиқилиб ҳалок бўлди. Бу ҳақда 78.ru хабар берди.
Прораб ҳушсиз ҳолда ётган қурувчини топган ва дарҳол тез ёрдам хизматига мурожаат қилган. Воқеа жойига етиб келган тез тиббий ёрдам ходимлари унинг ўлганини аниқлаган. Марҳум Ўзбекистон фуқароси эканлиги маълум бўлган.
Ўлимидан олдин у уч метр баландликда осма нарвон устида ишлаган. Тахминларга кўра, марҳум ўзининг эҳтиётсизлиги туфайли йиқилган.
Аввалроқ Санкт-Петербургда 49 ёшли Ўзбекистон фуқароси қурилиш майдончасида йиқилиб, касалхонага ётқизилганди. Эркак Москва шоссесида ангарларда ишлаётган вақтда баландликдан йиқилиб тушган. Эркак бошнинг очиқ жароҳати, мия шиши, бош мия контузияси ва бошқа оғир жароҳатлар билан касалхонага ётқизилган.
Изоҳ (0)