Respublika markaziy dispetcherligi tomonidan elektr energiyasi bo‘yicha cheklov joriy etildi — Energetika vazirligi

Sovuq havo harorati tufayli quvurlarda gaz bosimining pasayishi natijasida Sirdaryo va To‘raqo‘rg‘on issiqlik elektr stansiyalaridagi 2 ta energoblok qisqa muddatga to‘xtatildi. Bu haqda enregetika vaziri matbuot kotibi “Daryo”ga maʼlum qildi

Hasan Toshxo‘jayevning aytishicha, elektr tarmoqlari va transformator punktlarida yuklamalar keskin ortgan.

Yuklama ortishi bois hududlardagi elektr tarmoqlarida yuzaga kelishi mumkin bo‘lgan nosozliklarning oldini olish maqsadida faqatgina sutkaning tig‘iz vaqtlarida qisqa muddatli cheklovlar kiritilmoqda.

Cheklov 13-dekabr kuni kiritilgan. Energiya bloklari bugun, 14-dekbar kuni qayta ishga tushiriladi, — dedi enregetika vaziri matbuot kotibi.

Qo‘shmicha qilinishicha, respublika hududlari bo‘ylab elektr tarmoqlari va transformator punktlarida yuklamalarning ortishi hisobiga yuzaga kelgan nosozliklar bartaraf etib borilmoqda