“Mikrokreditbank”ning Toshkent shahar Chilonzor tumanida joylashgan bosh ofisi binosi sotuvga qo‘yildi. Bu haqda “E-auksion” ma’lumotlarida keltirilgan.
To‘rt qavatli bino 1982-yilda qurilgan bo‘lib, Oqtepa maydoni yaqinidagi 0,34 gektar yer uchastkasida joylashgan. Bino ichida umumiy maydoni 940 kvadrat metr bo‘lgan 89 ta xona mavjud. Shundan foydali maydoni 849 kvadrat metrni tashkil qiladi.
Binoda barcha kommunikatsiyalar — elektr, gaz, suv va kanalizatsiya bor. Lotning boshlang‘ich narxi 115,3 milliard so‘m, zakalat puli esa 1,1 milliard so‘mni tashkil etadi.
.jpg)
Auksion 12-yanvar kuni 10:00 da o‘tkaziladi hamda arizalar shu kuni soat 09:00 ga qadar qabul qilinadi.
Eslatib o‘tamiz, aprel oyida Toshkent shahar Chilonzor tumani Novza ko‘chasidagi ma’muriy bino va inshootlar kimoshdi savdosiga qo‘yilgandi. Fevralda esa Samarqand viloyati Qo‘shrabot tumani “Qo‘rg‘on” qishlog‘idagi molxona va agrofirma inshootlari kimoshdi savdosiga chiqarilishi aytilgan edi.
Izoh (0)