“Qattiqqo‘l xonim” filmining prodyuseri Vendi Finerman Hollywood Gold podkastida kinoijodkorlar dastlab Meril Stripni kulgili emas deb o‘ylab, Miranda Pristli roli uchun olishni istamaganini aytdi.
Uning so‘zlariga ko‘ra, loyiha mualliflaridan biri: “U hayotida hech qachon kulgili bo‘lmagan”, — deb aytgan. Unga qo‘ng‘iroq qilib, “Aqlingiz joyidami? U hayotida bir kun ham kulgili bo‘lmagan” — deyishgan.
Baribir oxir-oqibat Strip bosh rolga maʼqullangan. “U rostdan rolni maromiga yetkazib, kulgili o‘ynadi va ular yanglishganini isbotladi — deya qo‘shimcha qildi Finerman. Ammo u ilgari jiddiyroq (kayfiyat nuqtai nazaridan) filmlarda rol o‘ynagan aktrisa uchun komediya-drama butunlay boshqa dunyo bo‘lganini tan oldi.
Loren Vaysbergerning “Prada kiygan Iblis” nomli kitobi asosida rejissor Devid Frenkel tomonidan suratga olingan “Qattiqqo‘l xonim” filmi 2006-yilda ekran yuzini ko‘rgan. Kartina Meril Stripga komediyadagi eng yaxshi aktrisa roli uchun “Oltin globus” mukofotini va bosh rol uchun eng yaxshi aktrisa nominatsiyasi uchun “Oskar” mukofotini olib kelgan.