Rejissor Jeyms Kemeron Los Angeles Timesʼga bergan intervyusida “Titanik” filmining suratga olish guruhi past bo‘yli aktyorlar evaziga taxminan 1 million dollar tejashga muvaffaq bo‘lganini aytdi.
“Titanik” filmi budjeti 200 million dollarni tashkil etib, o‘sha davrdagi eng katta xarajat sarflangan filmga aylangan edi. Ayniqsa laynerning real o‘lchamdagi nusxasini qurish uchun katta xarajatlar talab qilingan. Kemaning uzunligi 231 metrni tashkil qilgan. Haqiqiy Titanik esa 38 metrdan uzunroq bo‘lgan.
Kema ko‘lamini va manzarani vizual ravishda kattalashtirish uchun Kemeron filmda faqat bo‘yi past aktyorlardan foydalanishga qaror qilgan. “Biz bo‘yi 172 sm dan yuqori bo‘lganlarni olmaganmiz”, — deb eslaydi rejissor.
Film uchun Titanik yo‘lovchilarining tasvirlari kompyuter grafikasi yordamida yaratilgan. Yaqinda ijtimoiy tarmoq foydalanuvchilari kemadagi odamlar The Sims o‘yinining qahramonlariga o‘xshashligini payqagandi.
Izoh (0)