O‘zbekistonda 2023-yilning yanvar—noyabr oylari davomida tez yordam xizmatiga 12 million 330 mingdan ortiq chaqiriq kelib tushgan. Bu haqda Respublika tez tibbiy yordam markazi direktori Abduvoitjon Gafurovga tayanib, SSV matbuot xizmati xabar berdi.
Qayd etilishicha, ushbu chaqiriqlar sabab jami 817 ming 132 nafar katta yoshli, 310 ming 274 nafar kichik yoshli bemorlar shifoxonalarga gospitalizatsiya qilingan.
Eng ko‘p murojaatlar:
- Farg‘ona viloyatida — 1 336 301 ta;
- Andijon viloyatida — 1 244 119 ta;
- Toshkent shahrida — 1 244 015 ta;
- Toshkent viloyatida — 1 183 787 ta;
- Namangan viloyatida — 1 145 109 ta qayd etilgan.
Eng kam chaqiriq Navoiy (380 977 ta ), Sirdaryo (451 261 ta) va Jizzax (499 042 ta) viloyatlarida kuzatilgan.
Maʼlumot uchun, o‘tgan 2022-yil yanvar—noyabr oylarida tez tibbiy yordam xizmatiga jami 11 million 735 ming 450 ta murojaat kelib tushgan.
Avvalroq Qashqadaryo viloyatida faoliyat olib boruvchi tez tibbiy yordam shifokorlari bemor ayolga qo‘pollik qilgani aniqlagani to‘g‘risida xabar berilgandi.
Izoh (0)