Ўзбекистонда 11 ойда тез ёрдамга қанча чақириқ келиб тушгани маълум қилинди

Ўзбекистонда 2023 йилнинг январь—ноябрь ойлари давомида тез ёрдам хизматига 12 миллион 330 мингдан ортиқ чақириқ келиб тушган. Бу ҳақда Республика тез тиббий ёрдам маркази директори Абдувоитжон Гафуровга таяниб, ССВ матбуот хизмати хабар берди.

Қайд этилишича, ушбу чақириқлар сабаб жами 817 минг 132 нафар катта ёшли, 310 минг 274 нафар кичик ёшли беморлар шифохоналарга госпитализация қилинган.

Энг кўп мурожаатлар:

• Фарғона вилоятида — 1 336 301 та;
• Андижон вилоятида — 1 244 119 та;
• Тошкент шаҳрида — 1 244 015 та;
• Тошкент вилоятида — 1 183 787 та;
• Наманган вилоятида — 1 145 109 та қайд этилган.

Энг кам чақириқ Навоий (380 977 та ), Сирдарё (451 261 та) ва Жиззах (499 042 та) вилоятларида кузатилган.

Маълумот учун, ўтган 2022 йил январь—ноябрь ойларида тез тиббий ёрдам хизматига жами 11 миллион 735 минг 450 та мурожаат келиб тушган.

Аввалроқ Қашқадарё вилоятида фаолият олиб борувчи тез тиббий ёрдам шифокорлари бемор аёлга қўполлик қилгани аниқлагани тўғрисида хабар берилганди.