Гаянанинг Венесуэла билан чегараси яқинида бортида етти киши бўлган ҳарбий вертолёт ғойиб бўлди. Бу ҳақда Associated Press хабар берди.
Гаяна ҳукумати ҳудудда ёмон об-ҳаво кузатилгани, Венесуэла қўшинлари томонидан осмон ўққа тутилгани бўйича белгилар мавжуд эмаслигини билдирди. Армия қўмондони генерал Омара Хоннинг айтишича, Гаяна Белл 412 EPI вертолёти ёнилғи қуйиб бўлгач Гаяна ғарбидаги Олив-Крик аҳоли пунктидан ҳавога кўтарилган. Мудофаа кучлари шундай кейин вертолёт билан алоқани йўқотган.
Вертолёт бортида икки экипаж аъзоси ва беш нафар юқори мартабали офицер бўлган. Улар Венесуэла ўзиники деб даъво қилаётган чегара ҳудудини қўриқлаётган қўшинларни текшириш учун парвоз қилган.
Самолётнинг Венесуэла чегарасидан тахминан 48 километр шарқда ғойиб бўлиши Гаяна ва Венесуэла ўртасида Эссекибо ҳудуди юзасидан кескинлик кучайган бир пайтда содир бўлди. Венесуэла ҳудудни ўзиники деб даъво қилиб, Испания ҳукмронлигидан бери мамлакатнинг бир қисми эканини таъкидлайди.
Изоҳ (0)