Venesuela prezidenti Nikolas Maduro qo‘shni Gayananing g‘arbiy qismi – Essekiboni mamlakatning 24-shtati deb e’lon qildi. U Venesuela Milliy assambleyasini bahsli hududni himoya qilish bo‘yicha qonun qabul qilishga chaqirdi, deb xabar beradi Ultimas Noticias. Mintaqaga Gayana-Essekibo nomi berildi.
Nikolas Maduro qo‘shib olingan hududda gaz, neft va foydali qazilmalarni qazib olish uchun litsenziya beruvchi idoralar yaratishni taklif qildi. U chegara o‘rnatilmagan dengizda ishlayotgan neft kompaniyalariga operatsiyalarni yakunlash uchun uch oy vaqt berdi.
Xalqaro huquqni hurmat qilgan holda, qonunlarni hurmat qilgan holda, yaxshi qo‘shnichilikni hurmat qilgan holda, — dedi Maduro.
Venesuela prezidenti, shuningdek, parlamentga “Gayana tomonidan bir tomonlama berilgan imtiyozlar asosida ishlaydigan” kompaniyalar bilan shartnomalar tuzishni taqiqlashni muhokama qilishni buyurdi.
Uning qo‘shimcha qilishicha, yaqin kunlarda “barcha maktab, kollej va universitetlar” Venesuelaning yangi xaritasiga kiritiladi.
1966-yil 17-fevralda Venesuela va Gayana Jeneva shartnomasini imzolagan. Hujjat mintaqadagi hududiy nizolarni hal qilishda Gayanani Britaniya imperiyasining vorisiga aylantirgan. 1899-yilda Parijdagi arbitraj sudi Essekibo hududini Gayananing bir qismi deb tan oldi. Gayana rasmiylari ushbu qarorni tasdiqlashni so‘rab Xalqaro Sudga murojaat qildi; sud Venesuelani Gayana hududi ustidan nazoratni shubha ostiga qo‘yadigan harakatlardan tiyilishga buyurdi. Biroq sud referendum o‘tkazishni taqiqlamadi.
Venesuelada 3-dekabr kuni referendum bo‘lib o‘tdi, unda Gayana-Essekibo shtatini yaratish g‘oyasi ilgari surildi. Venesuela hukumati referendumda ovoz berganlarning 95 foizi yangi shtat tuzish g‘oyasini qo‘llab-quvvatlaganini ma’lum qildi.
Izoh (0)