O‘zbekistonda ilk bor “Bolalar sayyohlik bazasi” faoliyati yo‘lga qo‘yildi, deb xabar bermoqda Maktabgacha va maktab taʼlimi vazirligi axborot xizmati.
Xabarga ko‘ra, Namangan viloyatida 150 o‘rinli “Bolalar sayyohlik bazasi” foydalanishga topshirildi. Sayyohlik bazasining ochilishiga 14 ta hududdan 98 nafar o‘quvchi sayohatga olib kelindi. Sayyohlik bazasini qurishdan asosiy maqsad o‘quvchilarga o‘lka tarixini yaqindan tanishtirish, joylarda bolalar turizmini rivojlantirish orqali zamonaviy to‘garaklar faoliyatini yo‘lga qo‘yishdan iborat.
“Bolalar sayyohlik bazasi” ochilish marosimida maktabgacha va maktab taʼlimi vaziri o‘rinbosari Dilshod Kenjayev hamda Namangan viloyati hokimi Shavkat Abdurazzoqovlar ishtirok etdi. “Bolalar sayyohlik bazalari” faoliyati Samarqand, Qarshi, Buxoro va Xiva shaharlarida ham tashkil etilishi ko‘zda tutilgan.
Qayd etilishicha, Namanganda sayyohlik bazasini qurish uchun respublika budjetidan 7,8 milliard so‘m mablag‘ ajratilgan.
Izoh (0)