Futbol bo‘yicha O‘zbekiston Superligasining 26-turidan o‘rin olgan o‘yinlar 1-dekabr, juma kuni bo‘lib o‘tdi.
“Paxtakor” “Bunyodkor”ga qarshi bahs olib bordi. Uchrashuvning 14-daqiqasida Po‘latxo‘ja Xoldorxonov gol urdi. 34-daqiqada Shohruh Abdurahmonov hisobni tenglashtirdi. Oradan 3 daqiqa o‘tib, “Bunyodkor” futbolchisi Velington Taira jamoasini hisobda oldinga olib chiqdi. Ikkinchi bo‘lim boshida Dragan Cheran muvozanatni tikladi. 59-daqiqada Mahmudjon Mahamadjonov “Bunyodkor”ning uchinchi goliga mualliflik qildi. Qolgan daqiqalarda darvozalar ishg‘ol etilmadi va “Bunyodkor” g‘alabani rasmiylashtirdi.
“OKMK” o‘zida “Nasaf”ni qabul qildi. Uchrashuvda 1:1 hisobida durang qayd etildi. Olmaliq klubi tarkibida Muhammadanas Hasanov gol urdi, “Nasaf” safida Akmal Mozgovoy darvozani ishg‘ol qildi. Qayd etib o‘tish joiz, 83-daqiqada “OKMK” futbolchilari Sanjar Tursunov va Islom To‘xtaxo‘jayev qizil kartochka bilan jazolandi.
“Navbahor” esa vodiy derbisida “Neftchi”ga qarshi maydonga tushdi. Uchrashuvning 39-daqiqasida Mirzohid G‘ofurov hisobni ochdi. 68-daqiqada Milosh Milovich muvozanatni tikladi. O‘yin oxiriga qadar shu hisob saqlanib qoldi va jamoalar 1 ochkodan qo‘lga kiritdi.
Superliga
26-tur
1-dekabr, juma
“Paxtakor” – “Bunyodkor” 2:3
Gollar: 1:0 — 14 Po‘latxo‘ja Xoldorxonov, 1:1 — 34 Shohruh Abdurahmonov, 1:2 — 37 Velington Taira, 2:2 — 47 Dragan Cheran, 2:3 — 59 Mahmudjon Mahamadjonov.
“OKMK” – “Nasaf” 1:1
Gollar: 0:1 — 53 Akmal Mozgovoy, 1:1 — 60 Muhammadanas Hasanov.
“Navbahor” – “Neftchi” 1:1
Gollar: 0:1 — 39 Mirzohid G‘ofurov, 1:1 — 68 Milosh Milovich.
Izoh (0)