G‘azo sektorida ko‘chirilganlar soni 1,8 millionga yetdi, bu anklav aholisining 80 foizini tashkil qiladi. Bu haqda BMTning gumanitar masalalarni muvofiqlashtirish boshqarmasi (OCHA) ma’lum qildi.
“Aniq hisobni olish qiyin, jumladan, ichki ko‘chirilganlarni kuzatishda qiyinchiliklar mavjud. Baʼzilar mezbon oilalar bilan yashab, gumanitar pauza vaqtida o‘z uylariga qaytgan bo‘lsa ham, BMTning Falastinga yordam va ishlar agentligi boshpanalaridagi ro‘yxatda qolib ketgan”, — deyiladi boshqarma xabarida.
Avvalroq agar Isroil G‘azo janubida operatsiya boshlasa, tinch aholini G‘azo sektori shimoliga qaytarishga ruxsat berilishi ma’lum bo‘lgan edi.
CNN telekanali isroillik va amerikalik siyosatchilar G‘azo janubiga ommaviy ravishda qochgan tinch aholini himoya qilish masalasini muhokama qilayotgani haqida xabar berdi.
Izoh (0)