Ғазо секторида кўчирилганлар сони 1,8 миллионга етди, бу анклав аҳолисининг 80 фоизини ташкил қилади. Бу ҳақда БМТнинг гуманитар масалаларни мувофиқлаштириш бошқармаси (OCHA) маълум қилди.
“Аниқ ҳисобни олиш қийин, жумладан, ички кўчирилганларни кузатишда қийинчиликлар мавжуд. Баъзилар мезбон оилалар билан яшаб, гуманитар пауза вақтида ўз уйларига қайтган бўлса ҳам, БМТнинг Фаластинга ёрдам ва ишлар агентлиги бошпаналаридаги рўйхатда қолиб кетган”, — дейилади бошқарма хабарида.
Аввалроқ агар Исроил Ғазо жанубида операция бошласа, тинч аҳолини Ғазо сектори шимолига қайтаришга рухсат берилиши маълум бўлган эди.
CNN телеканали исроиллик ва америкалик сиёсатчилар Ғазо жанубига оммавий равишда қочган тинч аҳолини ҳимоя қилиш масаласини муҳокама қилаётгани ҳақида хабар берди.
Изоҳ (0)