Avvalroq 27-noyabr kuni Toshkent viloyati Yangiyo‘l tumanida bir ayol elektr simidagi kuchlanish natijasida vafot etgani haqida xabar qilingan edi. Unda yangi o‘tkazilgan elektr energiyasi simi uzilib, ayolning ustiga tushgani oqibatda shifoxonada vafot etgani aytilgan.
“Hududiy elektr tarmoqlari” AJ hodisa haqiqatan ham bo‘lgani, lekin ayol qanday holatda tok kuchlanishidan hayotdan ko‘z yumgani nomaʼlumligi aytilgan edi.
Holat yuzasidan Bosh prokuratura axborot xizmati ham “Daryo”ga shunday voqea bo‘lganini tasdiqladi.
“Hozirda tergovga qadar tekshirish harakatlari olib borilmoqda”, — deyiladi Bosh prokuratura izohida.
Avvalroq Toshkent shahridagi filologiya maktabida 8-sinf o‘quvchisi ochiq qolgan elektr tokiga tegib ketishi natijasida vafot etgani haqida xabar qilingan edi.
Izoh (0)