Тошкент шаҳри филология мактабида 8-синф ўқувчиси очиқ қолган электр токига тегиб кетиш натижасида вафот этгани ҳақида хабарлар тарқалганди. Бош прокуратура боланинг ўлими юзасидан дастлабки хулосани “Дарё”га маълум қилди.
Аниқланишича, Мирзо Улуғбек туманидаги 99-сонли умумтаълим мактаби 8-“И” синф ўқувчиси А.А. мактаб ҳовлисидаги спорт майдонидан чиқиб кетаётганида боши билан йиқилиб, оғзи кўпириб, бир оз титраб, сўнг ҳушидан кетган.
Мактаб ходимлари томонидан зудлик билан тиббий тез ёрдамга қўнғироқ қилинган, орадан тахминан 15 дақиқа ўтгач, у тез ёрдамда 15-сонли Республика кардиология марказига олиб келинган. Кўрсатилган тиббий муолажаларга қарамасдан, вафот этган.
СТЭнинг дастлабки хулосага кўра, боланинг ўлими электр жароҳати, электр токи ёйидан заҳарланиш, ўткир нафас юрак-қон томир етишмовчилиги, бош мия ва ўпка шиши, чап қўл кафт соҳаси электр тамғаси натижасида юз берган.
Ҳозирда мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
Изоҳ (0)