Isroil sulhga qaramay G‘azo sektori shimoliga, jumladan, ishlayotgan yagona shifoxonaga yoqilg‘i yetkazib berishni cheklashda davom etmoqda. Bu haqda Qatarning Al-Jazeera telekanali xabar berdi.
“Kamol Avdan G‘azo shimolidagi yagona kasalxona bo‘lib, u hali ham bemorlarni qabul qilmoqda va agar u bir necha soat ichida yoqilg‘i bilan ta’minlanmasa, bolalar bo‘limida bo‘lganlar, jumladan, erta tug‘ilgan chaqaloqlar ham halok bo‘lishi mumkin”, — dedi bolalar bo‘limi rahbari. Bu haqda telekanalga reanimatsiya bo‘limi boshlig‘i Husam Abu Safiya xabar berdi.
Kecha 27-noyabr kuni G‘azo Sog‘liqni saqlash vazirligining umumiy kasalxona bo‘limi boshlig‘i Muhammad Zakout Falastin anklavining shimolidagi shifoxonalar, gumanitar sulhga qaramay, generatorlar uchun yoqilg‘i olmaganini aytgandi. Uning so‘zlariga ko‘ra, Misr bilan chegaradagi Rafah nazorat punkti orqali anklavdan olib chiqilayotgan yaradorlar soni “kuniga 20 nafardan oshmayapti”.
Izoh (0)