O‘zbekistonda Humo kompaniyasi tomonidan yaratilgan “Humo bonus” tizimi ishga tushirilmoqda. Yangi loyiha har bir Humo kartasidan foydalanib to‘lov qilgan mijozga bir foiz keshbek olish imkonini beradi.
24-noyabr kuni Toshkent shahrida “Humo bonus” tizimi ishga tushirilishi munosabati bilan taqdimot marosimi bo‘lib o‘tdi. Tadbirda kompaniya rahbariyati, loyiha hamkorlari, jurnalistlar va blogerlar qatnashdi. Uchrashuvda ishtirokchilarga yangi tizimning asosiy xususiyatlari tushuntirildi.
“Humo bonus” — Humo kartasi orqali qilingan to‘lov uchun keshbek bilan rag‘batlantirish tizimidir. Loyihadan maqsad — naqdsiz to‘lovlarni ko‘paytirish va yashirin iqtisodiyotni oldin olishdan iborat.
Taqdimotda Humo to‘lov tizimi direktori Shuhrat Qurbonov tizimning muhim jihatlaridan biri haqida gapirdi.
“Agar do‘kondan biror mahsulot xarid qilsangiz va Humo kartasidan aytaylik, 1 000 so‘m to‘lasangiz, sizga o‘sha zahoti 10 so‘m (1 foiz) keshbek qaytarib beriladi. Yaʼni keshbek olishni bir oy yoki bir necha kunlab kutmaysiz”, — dedi kompaniya rahbari.
Mijozlar bu tizim orqali keshbek olishlari uchun savdo qilinayotgan do‘kon yoki boshqa muassasalar bank bilan shartnoma tuzgan bo‘lishlari kerak.
“Loyihanmizni pilot sifatida boshlaymiz. Kelgusida “Humo bonus” tizimiga barcha banklar ulansa, hamma kartalar loyiha doirasida ishlay oladi”, — dedi kompaniya vakillari.
Bugungi kunda O‘zbekiston aholisida qariyb 18 million dona Humo kartalari mavjud. “Humo bonus” tizimi dushanba kunidan butun respublika bo‘ylab to‘liq ishga tushiriladi.
Qo‘shimcha ma’lumot uchun:
Rasmiy veb–sayt: humobonus.uz
Instagram: https://instagram.com/humobonus?igshid=MTk0NTkyODZkYg==
Telegram: https://t.me/humobonus
Elektron pochta: humobonus@gmail.com
Telefon: +998 93 111 57 57
Reklama huquqi asosida.
Izoh (0)