Ўзбекистонда Ҳумо компанияси томонидан яратилган “Ҳумо бонус” тизими ишга туширилмоқда. Янги лойиҳа ҳар бир Ҳумо картасидан фойдаланиб тўлов қилган мижозга бир фоиз кешбэк олиш имконини беради.
24 ноябрь куни Тошкент шаҳрида “Ҳумо бонус” тизими ишга туширилиши муносабати билан тақдимот маросими бўлиб ўтди. Тадбирда компания раҳбарияти, лойиҳа ҳамкорлари, журналистлар ва блогерлар қатнашди. Учрашувда иштирокчиларга янги тизимнинг асосий хусусиятлари тушунтирилди.
“Ҳумо бонус” — Ҳумо картаси орқали қилинган тўлов учун кешбэк билан рағбатлантириш тизимидир. Лойиҳадан мақсад — нақдсиз тўловларни кўпайтириш ва яширин иқтисодиётни олдин олишдан иборат.
Тақдимотда Ҳумо тўлов тизими директори Шуҳрат Қурбонов тизимнинг муҳим жиҳатларидан бири ҳақида гапирди.
“Агар дўкондан бирор маҳсулот харид қилсангиз ва Ҳумо картасидан айтайлик, 1 000 сўм тўласангиз, сизга ўша заҳоти 10 сўм (1 фоиз) кешбэк қайтариб берилади. Яъни кешбэк олишни бир ой ёки бир неча кунлаб кутмайсиз”, — деди компания раҳбари.
Мижозлар бу тизим орқали кешбэк олишлари учун савдо қилинаётган дўкон ёки бошқа муассасалар банк билан шартнома тузган бўлишлари керак.
“Лойиҳанмизни пилот сифатида бошлаймиз. Келгусида “Ҳумо бонус” тизимига барча банклар уланса, ҳамма карталар лойиҳа доирасида ишлай олади”, — деди компания вакиллари.
Бугунги кунда Ўзбекистон аҳолисида қарийб 18 миллион дона Ҳумо карталари мавжуд. “Ҳумо бонус” тизими душанба кунидан бутун республика бўйлаб тўлиқ ишга туширилади.
Қўшимча маълумот учун:
Расмий веб–сайт: humobonus.uz
Instagram: https://instagram.com/humobonus?igshid=MTk0NTkyODZkYg==
Telegram: ҳттпс://т.ме/ҳумобонус
Электрон почта: humobonus@gmail.com
Телефон: +998 93 111 57 57
Реклама ҳуқуқи асосида.
Изоҳ (0)