Isroil bosh vaziri Binyamin Netanyaxu shaxsan G‘azo sektoriga tashrif buyurdi va u yerda isroillik harbiylar bilan suhbatlashdi. Bu haqda The Times of Israel xabar berdi.
Netanyaxu sektordagi operatsiya HAMAS ustidan “to‘liq g‘alaba qozongunga qadar” davom etishini aytdi.
“Men bu yerda do‘stlarimga, jangchilarga shuni aytish uchun keldim, ular ham menga xuddi shu narsani aytadilar, Isroil fuqarolari uchun takrorlayman: biz oxirigacha, g‘alabaga qadar davom etamiz. Bizni hech narsa to‘xtata olmaydi, urushning barcha maqsadlariga erishish uchun kuchimiz, qudratimiz, irodamiz va qat’iyatimiz borligiga aminmiz va buni amalga oshiramiz.
Biz G‘azoda jasur jangchilarimiz bilan birgamiz. O‘g‘irlab ketilganlarni qaytarish uchun ko‘p harakat qilyapmiz va oxir-oqibat ularning hammasini qaytaramiz. Bu urushda uchta maqsadimiz: HAMASni yo‘q qilish, barcha o‘g‘irlab ketilganlarni qaytarish va G‘azo yana Isroil davlati uchun xavf tug‘dirmasligini taʼminlash”, — dedi Netanyaxu.
Izoh (0)