Toshkentda tez yordam chaqiruviga ko‘ra kelgan xodim bemor ayolga uyatsiz harakatlar qilgani haqida xabarlar tarqalgandi. Sog‘liqni saqlash vazirligi bunga munosabat bildirdi.
Unda aytilishicha, tez tibbiy yordam xodimining chaqiruv manzilida bemorga nomaqbul xatti-harakatlar qilgani haqida Ijtimoiy tarmoqlarda tarqalayotgan xabar bo‘yicha vazirlik ishchi guruhi tomonidan o‘rganish olib borilmoqda. Uning natijalari bo‘yicha batafsil xabar beriladi.
“Vaziyatga aniqlik kiritilmaguncha jamoatchilik vakillaridan masalani turlicha talqin qilmasliklarini so‘raymiz”, — deyiladi munosabatda.
Toshkentda bemor ayolning tibbiyot xodimi tomonidan jinsiy tajovuzga uchragani haqida jurnalist va bloger Shahnoza Soatova xabar bergandi. Jurnalist unga bu haqda murojaat qilgan ayol o‘zining tanishi ekanligi, universitetda dars berishi, o‘zicha voqealar o‘ylab topishdan manfaati yo‘qligini bildirib, Ichki ishlar vazirligi mas’ullari, sog‘liqni saqlash vazirligini bu masalaga e’tibor qaratishlarini so‘ragandi.
Izoh (0)