Тошкентда тез ёрдам чақирувига кўра келган ходим бемор аёлга уятсиз ҳаракатлар қилгани ҳақида хабарлар тарқалганди. Соғлиқни сақлаш вазирлиги бунга муносабат билдирди.
Унда айтилишича, тез тиббий ёрдам ходимининг чақирув манзилида беморга номақбул хатти-ҳаракатлар қилгани ҳақида Ижтимоий тармоқларда тарқалаётган хабар бўйича вазирлик ишчи гуруҳи томонидан ўрганиш олиб борилмоқда. Унинг натижалари бўйича батафсил хабар берилади.
“Вазиятга аниқлик киритилмагунча жамоатчилик вакилларидан масалани турлича талқин қилмасликларини сўраймиз”, — дейилади муносабатда.
Тошкентда бемор аёлнинг тиббиёт ходими томонидан жинсий тажовузга учрагани ҳақида журналист ва блогер Шаҳноза Соатова хабар берганди. Журналист унга бу ҳақда мурожаат қилган аёл ўзининг таниши эканлиги, университетда дарс бериши, ўзича воқеалар ўйлаб топишдан манфаати йўқлигини билдириб, Ички ишлар вазирлиги масъуллари, соғлиқни сақлаш вазирлигини бу масалага эътибор қаратишларини сўраганди.
Изоҳ (0)