Lionel Messi MLS’da mavsumning eng yaxshisi bo‘lish uchun nomzodlar qatoridan joy oldi

“Inter Mayami” hujumchisi Lionel Messi MLSning eng yaxshi yangi futbolchisi sovriniga da’vogarlik qilmoqda.

Shimoliy Amerika ligasi mavsumning turli nominatsiyalarining finalchilari nomini e’lon qildi. Eng yaxshi yangi futbolchi sovriniga Messining nomzodi qo‘yildi. 

Shuningdek, Georgios Yakumakis (“Atlanta Yunayted”) va Eduard Leven (“Sent-Luis Siti”) nomzodlari ham kuchli uchlikdan joy oldi. 

Leo mavsumning eng qimmatbaho futbolchisi sovriniga da’vogarlarning kengaytirilgan ro‘yxatiga kiritilgandi. Biroq yakuniy uchlikdan joy ololmadi. Kuchli uchlik Lusiano Akosta (“Sinsinnati”), Tyago Almada (“Atlanta Yunayted”) va Deni Buangadan (“Los-Anjeles”) tashkil topgan.

Messi joriy yilning yozida “Inter Mayami” safiga qo‘shilgandi. Argentinalik futbolchi MLS doirasida 6 ta o‘yinda ishtirok etib, bitta gol va 2 ta golli uzatmaga mualliflik qildi.