Ханчжоу—2022 IV Пара Осиё ўйинлари 27 октябрь, жума куни бўлиб ўтмоқда.
Пара енгил атлетикачи Кубаро Ҳакимова F41 классида ядро улоқтириш секторида энг юқори натижа билан Ўзбекистон делегациясига галдаги олтин медални тақдим этди ва Пара Осиё ўйинлари рекордини янгилади.
Эркаклар ўртасида F37 классида ядро улоқтириш бўйича беллашувларда иштирок этган Қудратуллахон Маъруфхўжаев олтин, Толибжон Йўлдашев кумуш медалга сазовор бўлишди.
Ўзбекистон делегациясининг навбатдаги олтин медалига Омад Ҳасанов муаллифлик қилди. Пара енгил аткетикачи узунликка сакраш секторида ўз классида энг юқори натижа қайд этиб, мусобақа чемпионлигига эришди.
Пара енгил атлетика баҳсларида ядро улоқтириш дастурида иштирок этган Элбек Султонов кумуш медал соҳибига айланди.
Пара пауэрлифтинг бўйича Ўзбекистон терма жамоаси аъзоси Фарҳод Умрзоқов кумуш медал соҳибига айланди. Эркаклар ўртасида -97 кг вазн тоифасида қатнашган Умрзоқов 228 кг натижа билан шоҳсупанинг иккинчи поғонасидан жой олди.
Изоҳ (0)