Misr hukumati tomonidan O‘zbekiston uchun insonparvarlik yordami tariqasida ajratilgan gepatit C ga qarshi dori vositalarining 16-partiyasi O‘zbekistonga yetkazildi, deb xabar bermoqda “Dunyo” AA.
Ta’kidlanishicha, ushbu loyiha O‘zbekiston prezidentining Misrga amalga oshirgan rasmiy tashrifi davomida erishilgan kelishuvlar hamda davlat rahbarining С gepatitiga chalingan bemorlarni 100 foiz davlat hisobidan davolash bo‘yicha tashabbusi ijrosi doirasida amalga oshirilmoqda.
“Sofosbuvir-400 mg” dori vositasining navbatdagi turkumini O‘zbekistonga jo‘natish bo‘yicha kelishuv 2023-yil 3-oktyabr kuni mamlakat diplomatlarining Misr sog‘liqni saqlash vazirining o‘rinbosari Muhammad Hasaniy bilan olib borgan samarali muzokaralari natijasidir.
Muhammad Hasaniy muloqot chog‘ida O‘zbekistonda gepatit C dan davolanayotgan bemorlarga ko‘mak berishni davom ettirish uchun Misr Sog‘liqni saqlash vazirligida joriy loyihani davom ettirishdan mamnunligini va gumanitar yordamning 16-turkumi doirasida С gepatitiga qarshi “Sofosbuvir-400mg” dori vositalarini yetkazib berilishini bildirgan.
Umumiy qiymati 38 ming 456 AQSH dollariga teng bo‘lgan 3680 dona “Sofosbuvir-400mg” dori vositalari 21-oktyabr kuni Sharm ash-Shayxdan Toshkentga Uzbekistan Airways ko‘magida yetkazib berildi.
Ushbu dori vositalarini yetkazib berish 29-aprel kuni boshlangandi. 23-sentyabr kuni dorilarning 15-partiyasi yetkazib berildi.
Izoh (0)