O‘zbekistonda InnoWeek-2023 innovatsion g‘oyalar haftaligi boshlandi

Bu yilgi innovatsion g‘oyalar tadbiri “Kreativ taʼlim va innovatsiya – Yangi O‘zbekiston taraqqiyotining asosi” shiori ostida bo‘lib o‘tadi.

4 kun davom etishi ko‘zda tutilgan haftalik doirasida 20 dan ziyod mamlakatdan 250 dan ortiq ekspertlar 50 ta tadbirda ishtirok ishtirok etishi ko‘zda tutilgan.

17-oktyabr kuni statrt berilgan ushbu haftalik “Yoshlar”, “Startaplar”, “Ilm-fan va tijoratlashtirish” va “Kreativ taʼlim” yo‘nalishlarida tashkil qilinmoqda. Vazirlik binosining ko‘rgazmalar zalida esa Kuzgi tijoratlashtirish forumi doirasida ko‘rgazma tashkil etiladi. Unda Bahorgi tijoratlashtirish forumida tanlov orqali saralab olingan, tarmoq muammosi yechimiga qaratilgan tijoratlashtirish hamda startap loyihalari ishtirok etishi kutilmoqda.

Bundan tashqari hafta davomida talabalar shaharchasidagi “Alpomish” muz saroyida InnoWeek-2023 Innovatsion mahsulotlar ko‘rgazmasi bo‘lib o‘tadi. Ko‘rgazmada “Ilm-fan va tijoratlashtirish loyihalari”, “Yoshlar akademiyasi”, “Startap loyihalar”, “Kreativ taʼlim” va “Xorijiy davlatlar” stendlarida 150 ga yaqin tashkilotlar 200 dan ziyod innovatsion mahsulotlari bilan ishtirok etishi ko‘zda tutilgan.

Sheriklik huquqi asosida.