Toshkent shahar Uchtepa tumanida tuproq o‘pirilishi sodir bo‘lgani haqida xabar berilgandi. Tuman hokimligi tuproq ostida qolib ketganlar haqida maʼlumotlarni ochiqladi.
Tuman hokimining o‘rinbosari Aziz Naimovning maʼlum qilishicha Uchtepa tumani “Beshqayrog‘och” ko‘chasida olib borilayotgan kollektor qurilishida (kotlovan qazish vaqtida) 5 nafar “Shafoat” maʼsuliyati cheklangan jamiyat xodimlari ishlayotgan bo‘lgan.
Ammo tuproq ko‘chishi natijasida 2 nafar ishchi xodim hayotdan ko‘z yumgan, 1 nafar xodim ayni damda kasalxonada, qolgan, 2 nafar ishchining ahvoli qoniqarli baholanmoqda.
Ayni damda, tuman Ichki ishlar bo‘limi va boshqa huquqni muhofaza etuvchi idoralar tomonidan surishtiruv ishlari olib borilmoqda.
Izoh (0)