O‘zbekistonda 20-sentyabr holatiga ko‘ra, 110 687 nafar fuqaro kasb-hunarga tayyorlash jarayoniga jalb qilingan. Bu haqda Kambag‘allikni qisqartirish va bandlik vazirligi axborot xizmati xabar berdi.
Ma’lum qilinishicha, band bo‘lmagan aholini xorijiy til kurslari, raqamli texnologiyalar, fuqarolarga psixologik va yuridik xizmat ko‘rsatish, mehnat migratsiyasidan qaytib kelgan shaxslarni reintegratsiya qilish, ularning bandligini ta’minlash, kasbiy malakasini oshirish va tadbirkorlik tashabbuslarini rag‘batlantirish jarayonida kasb-hunarga o‘qitish markazlari va monomarkazlar tramplin vazifasini o‘tab kelmoqda.
2023-yilning 20-sentyabr holatiga ko‘ra, O‘zbekiston Respublikasida 110 687 nafar fuqaro kasb-hunarga tayyorlash jarayoniga jalb qilingan bo‘lib, ularning 14 958 nafari ishsiz, 95 729 nafari esa ish qidirayotgan fuqarolar hisobiga to‘g‘ri kelgan. Shundan ularning 49 657 nafarini yoshlar, 88 718 nafarini xotin-qizlar, 4052 nafarini esa nogironligi bo‘lgan shaxslar tashkil qilgan.
Izoh (0)