O‘zbekiston Tashqi ishlar vazirligi Afg‘onistonda sodir bo‘lgan zilzilada halok bo‘lganlar oilasiga hamdardlik bildirib, bunday og‘ir damda afg‘on xalqi bilan birga ekanini ma’lum qildi.
"Afg‘onistonning g‘arbiy viloyatlarida ko‘plab insonlarning halok bo‘lishi va keng ko‘lamli vayronagarchiliklarga olib kelgan zilzila haqidagi xabar O‘zbekistonda chuqur qayg‘u bilan qabul qilindi.
Zilzila qurbonlarining oila a’zolariga hamdardlik bildiramiz, afg‘on xalqining qayg‘usiga sherikmiz va jabrlanganlarning tezroq sog‘ayib ketishini tilaymiz.
O‘zbekiston tomoni Afg‘oniston va uning xalqi bilan bugungi og‘ir damlarda birgadir", — deyiladi TIV bayonotida.
Kecha 7-oktyabr kuni Afg‘oniston g‘arbida 6,3 magnitudali zilzila sodir bo‘ldi. Zilzila natijasida halok 2000 dan ortiq odam halok bo‘ldi, yana 9 mingdan ortiq odam jabrlandi.
Izoh (0)