O‘zbekistonda 2023-yilning 18–19-noyabr kunlari III “Zakovat-Gambit” shaxmat chempionati bo‘lib o‘tadi.
Ma’lum qilinishicha, ushbu turnir sovrin jamg‘armasi — 600 million so‘mni tashkil etadi. “Zakovat-Gambit” turnirida faqat O‘zbekiston fuqarolari ishtirok etishi mumkin.
Chempionatda qatnashish uchun gambit.zakovat.tv veb-saytida ro‘yxatdan o‘tish lozim. Ro‘yxatdan o‘tishda ishtirokchilar o‘z reytingini hisobga olishi va tegishli guruhda ro‘yxatdan o‘tishi kerak.
“Hurmatli shaxmat ixlosmandlari. Ushbu yirik shaxmat musobaqasi ishtirokchisiga aylaning va nafaqat o‘z kuchingizni sinash, balki professionallardan master-klass olish hamda xalqaro grossmeysterlar bilan shaxmat seanslarida bellashish imkoniyatini qo‘lga kiriting”, — deyiladi xabarda.
Eslatib o‘tamiz, 2022-yil oktyabrda Toshkentda “Zakovat-Gambit” xalqaro shaxmat musobaqasi o‘tkazilgandi.
Izoh (0)