Ўзбекистонда 2023 йилнинг 18–19 ноябрь кунлари III “Заковат-Гамбит” шахмат чемпионати бўлиб ўтади.
Маълум қилинишича, ушбу турнир соврин жамғармаси — 600 миллион сўмни ташкил этади. “Заковат-Гамбит” турнирида фақат Ўзбекистон фуқаролари иштирок этиши мумкин.
Чемпионатда қатнашиш учун гамбит.заковат.тв веб-сайтида рўйхатдан ўтиш лозим. Рўйхатдан ўтишда иштирокчилар ўз рейтингини ҳисобга олиши ва тегишли гуруҳда рўйхатдан ўтиши керак.
“Ҳурматли шахмат ихлосмандлари. Ушбу йирик шахмат мусобақаси иштирокчисига айланинг ва нафақат ўз кучингизни синаш, балки профессионаллардан мастер-класс олиш ҳамда халқаро гроссмейстерлар билан шахмат сеансларида беллашиш имкониятини қўлга киритинг”, — дейилади хабарда.
Эслатиб ўтамиз, 2022 йил октябрда Тошкентда “Заковат-Гамбит” халқаро шахмат мусобақаси ўтказилганди.
Изоҳ (0)