Ekologiya, atrof-muhitni muhofaza qilish va iqlim o‘zgarishi vazirligi davlat inspektorlari tomonidan Toshkent viloyati va Toshkent shahar hududlarida tezkor reyd tadbirlari o‘tkazildi. Bu haqda vazirlik matbuot xizmati xabar berdi.
Qayd etilishicha, tezkor tadbirlar davomida Toshkent shahri Sergeli tumani “Qumariq” mahallasi hududida taqiqlangan ov qurollari yordamida to‘qqizta bedana ovlanilgani aniqlangan.
Holat yuzasidan huquqbuzarga nisbatan Ma’muriy javobgarlik to‘g‘risidagi kodeksning 90-moddasi 1-qismi bilan bazaviy hisoblash miqdorining besh barobari — 1 million 650 ming so‘m miqdorida jarima belgilandi.
Shuningdek, noqonuniy ov qurollari qonuniy to‘xtamga kelgunga qadar vaqtinchalik olib qo‘yilgan. Bedanalar davlat inspektorlari tomonidan tabiat qo‘yniga qo‘yib yuborilgan.
- Bir necha kun oldin Jizzax viloyatida 541 ta baliq noqonuniy ovlanib, tabiatga 178 million 530 ming so‘m zarar yetkazilgani aniqlangandi.
- Ushbu hududda aprel oyida o‘tkazilgan reyd davomida elektr qarmoqlardan foydalangan holda noqonuniy baliq ovlayotganlar aniqlangandi.
- O‘shanda fuqarolardan biri xizmat vazifasini bajarayotgan xodimlarning qonuniy talablarini bajarmasdan, ularga faol qarshilik ko‘rsatib, noqonuniy ovlagan baliqlari va boshqa ashyoviy dalillarni yo‘q qilish maqsadida o‘zining Nexia-3 ni departament bo‘lim boshlig‘i ustiga haydab, uning hayoti va sog‘lig‘iga xavf tug‘dirish orqali tan jarohati yetkazgandi.
Izoh (0)