Тошкент шаҳрида Central Asian Expo Uzbekistan (CАEх) кўргазма мажмуасининг очилиш маросими бўлиб ўтди. Тадбирга хорижий ва маҳаллий тадбиркорлар, сиёсатчилар, таниқли санъаткорлар ва бошқа турли соҳа вакиллари ташриф буюрди.
Очилиш маросимида меҳмонлар кўргазма марказининг имкониятлари билан таништирилди.
CАЭх Марказий Осиёдаги энг йирик кўргазма мажмуаси бўлиб, унинг умумий майдони 23 000 м². Павилиони эса 18 000 м² жойни эгаллаган. Иншоот ҳудудида 700 дан ортиқ автомобиллар сиғимига эга тураргоҳ ҳам мавжуд.
CАЭх—йирик маҳаллий ва халқаро кўргазмалар, анжуманлар, спорт мусобақалари, форум ва фестивалларни ўтказиш учун энг қулай марказдир.
“Бугунги очилиш маросимига Европа, Осиё, Марказий Осиё давлатларидан меҳмонлар ташриш буюрди. CАЭхъни барпо этишдан асосий мақсад Ўзбекистондаги кўргазмалар соҳасини ривожлантириш, халқаро кўргазмаларнинг сонини оширишдан иборат. Бу ерда жуда кўп тадбирлар ўтказилишига умид қиламиз. Мажмуада биринчи кўргазма-ярмаркаси “CАЭх Мебел & Деcор 2023” жорий йилнинг 22–24 сентябрь кунлари бўлиб ўтади”,—деди CАЭх директорининг ўринбосари Шоҳруҳбек Шомуродов.
Кўргазма марказининг иккинчи қаватида 8 та музокаралар хонаси, 1 та анжуман зали, 7 та умумий овқатланиш зоналари мавжуд. Бино кондиционерлар, аудио-видео ускуналар, лифтлар, Wi-Fi ҳамда қўриқлаш хизмати билан тўлиқ таъминланган.
CАЭх 6х6 ўлчамдаги 4 та техник дарвоза билан жиҳозланган. Иншоотнинг сунъий ёритиш тизими 1 квадрат метрга 500 люксни ташкил қилади. Павильоннинг поли бир квадрат метрга 3 тонна оғирликни кўтара олади. Энг аҳамиятли жиҳатлардан бири CАЭх мажмуасида 150 та иш ўрни яратилган.
Реклама ҳуқуқи асосида.
Изоҳ (0)