2023-yilning yanvar — avgust oylarida O‘zbekistonga tijoriy maqsadlarda 36,8 ming nafar chet el fuqarosi kelgan, ulardan eng ko‘pi — 21,4 ming nafari Turkmaniston fuqarolari, deb xabar bermoqda O‘zbekiston prezidenti huzuridagi Statistika agentligi.
Keyingi o‘rinda Tojikiston aholisi – 9,3 ming kishi; Afg‘oniston – 1,1 ming; Xitoy – 0,7 ming; Hindiston – 0,6 ming; Turkiya – 0,6 ming; Qirg‘iziston – 0,5 ming; Janubiy Koreya – 0,5 ming; AQSH – 0,3 ming; Eron – 0,2 ming kishi turibdi.
Ashxobod Mustaqil Davlatlar Hamdo‘stligi mamlakatlari bilan vizasiz rejim kelishuvidan chiqqanidan keyin 1999-yildan buyon Turkmaniston fuqarolari chegarani kesib o‘tish uchun viza olishga majbur bo‘lmoqda.
Turkmaniston O‘zbekiston bilan eng uzun umumiy chegaraga ega — 1700 kilometr. Turkmanistonda 300 mingga yaqin o‘zbek, O‘zbekistonda esa 200 mingdan ortiq turkman istiqomat qiladi. Har ikki davlat ham transchegaraviy savdoni kengaytirishdan manfaatdor.
Izoh (0)