O‘zbekistonda yashovchi afg‘onistonliklar soni ma’lum qilindi

Afg‘oniston bilan chegaradosh davlatlarda uning 8,2 million fuqarosi bor. Bu haqda UNICEF o‘zining tegishli hisobotida ma’lumot berdi.

Ma’lumotlarga ko‘ra, Afg‘oniston fuqarolarining qo‘shni hududlardagi taqsimoti quyidagicha:

• Eronda — 4,5 million;
• Pokistonda — 3,7 million;
• Tojikistonda — 9,5 ming;
• O‘zbekistonda — 2 mingni tashkil qiladi.

Turkmanistondagi afg‘on qochqinlari haqida rasmiy ma’lumotlar yo‘q. U yerda 2,1 million afg‘on qochqin maqomiga ega bo‘lib, ulardan 1,6 millioni “Tolibon” hokimiyatni egallab olgach kelgan.

Ta’kidlanishicha, 6,8 million afg‘on muhojiri yordamga muhtoj. UNICEF 2023-yilda afg‘on bolalari, ularning oilalari va mezbon jamoalarning ehtiyojlarini qondirish uchun 66,2 million dollar so‘ragan. 2023-yil 30-iyun holatiga ko‘ra, moliyalashtirishdagi kamomad 44,4 million dollarni tashkil etgan.