2023 йилнинг январь — август ойларида Ўзбекистонга тижорий мақсадларда 36,8 минг нафар чет эл фуқароси келган, улардан энг кўпи — 21,4 минг нафари Туркманистон фуқаролари, деб хабар бермоқда Ўзбекистон президенти ҳузуридаги Статистика агентлиги.
Кейинги ўринда Тожикистон аҳолиси – 9,3 минг киши; Афғонистон – 1,1 минг; Хитой – 0,7 минг; Ҳиндистон – 0,6 минг; Туркия – 0,6 минг; Қирғизистон – 0,5 минг; Жанубий Корея – 0,5 минг; АҚШ – 0,3 минг; Эрон – 0,2 минг киши турибди.
Ашхобод Мустақил Давлатлар Ҳамдўстлиги мамлакатлари билан визасиз режим келишувидан чиққанидан кейин 1999 йилдан буён Туркманистон фуқаролари чегарани кесиб ўтиш учун виза олишга мажбур бўлмоқда.
Туркманистон Ўзбекистон билан энг узун умумий чегарага эга — 1700 километр. Туркманистонда 300 мингга яқин ўзбек, Ўзбекистонда эса 200 мингдан ортиқ туркман истиқомат қилади. Ҳар икки давлат ҳам трансчегаравий савдони кенгайтиришдан манфаатдор.
Изоҳ (0)