Toshkent shahrida Renessans taʼlim universiteti yangi binosining ochilish marosimi bo‘lib o‘tdi. Tadbirda oliygoh rahbariyati, o‘qituvchi-professorlar, talabalar va ularning ota-onalari, taniqli xonandalar ishtirok etdi.
Renessans taʼlim universiteti talablari joriy o‘quv yilini oliygohning yangi binosida boshlashdi. Bino 7 qavatdan iborat bo‘lib, sifatli taʼlim olish uchun barcha shart-sharoitlar bilan taʼminlangan.
Universitet rektori Nusratilla Barakayev yangi binoda yaratilgan imkoniyatlar haqida gapirdi.
“Yangi binomizning sig‘imi 2 ming 500 o‘rinli bo‘lib, barcha auditoriyalarimiz zamonaviy texnologiyalar asosida jihozlangan. Professor-o‘qituvchilarimizning ilmiy salohiyati umumiy hisobda 60 foizni tashkil etadi. Universitetimizda 34 ta yo‘nalish mavjud bo‘lib, jami 6 ming 612 nafar talaba kunduzgi, kechki va sirtqchi taʼlim shaklida tahsil olmoqda. Yangi, zamonaviy binomiz o‘z sohasining yetuk mutaxassislarini ish so‘rab boruvchi emas, ish joyi yaratuvchi kadrlar qilib tayyorlashga zamin bo‘ladi degan umiddamiz”, —dedi oliygoh rahbari.
Tadbirga yig‘ilgan ota-onalar talaba bo‘lgan farzandlari uchun yaratilgan sharoitlardan mamnunliklarini bildirdi. Andijonlik Dilfuza Qosimova “Daryo” muxbiri bilan suhbatda qizi mazkur universitetga o‘qishga kirgani, ilk dars kuniga farzandi bilan birga kelganini aytdi.
“Qizim testlarni onlayn ravishda topshirib, ushbu universitetga talabalikka qabul qilindi. Binoning ochilish marosimi bizda juda yaxshi taassurot qoldirdi, hayajondaman. Farzandimga va barcha talabalarga omad tilayman. Bu yerdagi sharoitlarni ko‘rib havas qildim, hozirgi yoshlar juda ham baxtli”,—dedi ona.
Umuman olganda, binoda barcha qulayliklar mujassam. Yoshlarga qo‘yiladigan talab esa sifatli taʼlim olish va mamlakat rivojiga hissa qo‘shadigan kuchli kadrlar bo‘lib yetishishdir.
Оnlayn ariza topshirish: https://renessans-edu.uz/uz/
Reklama huquqi asosida.
Izoh (0)