Тошкент шаҳрида Ренессанс таълим университети янги биносининг очилиш маросими бўлиб ўтди. Тадбирда олийгоҳ раҳбарияти, ўқитувчи-профессорлар, талабалар ва уларнинг ота-оналари, таниқли хонандалар иштирок этди.
Ренессанс таълим университети талаблари жорий ўқув йилини олийгоҳнинг янги биносида бошлашди. Бино 7 қаватдан иборат бўлиб, сифатли таълим олиш учун барча шарт-шароитлар билан таъминланган.
Университет ректори Нусратилла Баракаев янги бинода яратилган имкониятлар ҳақида гапирди.
“Янги биномизнинг сиғими 2 минг 500 ўринли бўлиб, барча аудиторияларимиз замонавий технологиялар асосида жиҳозланган. Профессор-ўқитувчиларимизнинг илмий салоҳияти умумий ҳисобда 60 фоизни ташкил этади. Университетимизда 34 та йўналиш мавжуд бўлиб, жами 6 минг 612 нафар талаба кундузги, кечки ва сиртқчи таълим шаклида таҳсил олмоқда. Янги, замонавий биномиз ўз соҳасининг етук мутахассисларини иш сўраб борувчи эмас, иш жойи яратувчи кадрлар қилиб тайёрлашга замин бўлади деган умиддамиз”, —деди олийгоҳ раҳбари.
Тадбирга йиғилган ота-оналар талаба бўлган фарзандлари учун яратилган шароитлардан мамнунликларини билдирди. Андижонлик Дилфуза Қосимова “Дарё” мухбири билан суҳбатда қизи мазкур университетга ўқишга киргани, илк дарс кунига фарзанди билан бирга келганини айтди.
“Қизим тестларни онлайн равишда топшириб, ушбу университетга талабаликка қабул қилинди. Бинонинг очилиш маросими бизда жуда яхши таассурот қолдирди, ҳаяжондаман. Фарзандимга ва барча талабаларга омад тилайман. Бу ердаги шароитларни кўриб ҳавас қилдим, ҳозирги ёшлар жуда ҳам бахтли”,—деди она.
Умуман олганда, бинода барча қулайликлар мужассам. Ёшларга қўйиладиган талаб эса сифатли таълим олиш ва мамлакат ривожига ҳисса қўшадиган кучли кадрлар бўлиб етишишдир.
Онлайн ариза топшириш: https://renessans-edu.uz/uz/
Реклама ҳуқуқи асосида.
Изоҳ (0)