AQSH hukumati Erondan uchinchi davlatga olib o‘tilayotgan qariyb 1 million barrel qayta ishlanmagan neftni to‘xtatib qoldi. Bu haqda Amerika Adliya vazirligi ma’lum qildi.
Vazirlikka ko‘ra, gap AQSHda taqiqlangan Islom inqilobi qo‘riqchilari korpusi (IRGC) ko‘magida Eron neftini chet ellik xaridorlarga tashishning noqonuniy sxemasi haqida bormoqda.
Sxema ishtirokchilari soxta hujjatlar va boshqa vositalardan foydalangan holda neftning kelib chiqishi qaysi mamlakatga taalluqli ekanini yashirishga harakat qilgan.
“Bu Erondan neftni noqonuniy sotish va tashishga yordam berish orqali sanksiyalarni buzgan tashkilotga nisbatan jinoyat ishi qo‘zg‘atilgan birinchi holat. Ish doirasida kontrabanda yo‘li bilan olib kelingan 980 ming barreldan ortiq neft musodara qilindi”, — deyiladi Adliya vazirligi xabarida.
Izoh (0)