АҚШ ҳукумати Эрондан учинчи давлатга олиб ўтилаётган қарийб 1 миллион баррел қайта ишланмаган нефтни тўхтатиб қолди. Бу ҳақда Америка Адлия вазирлиги маълум қилди.
Вазирликка кўра, гап АҚШда тақиқланган Ислом инқилоби қўриқчилари корпуси (IRGC) кўмагида Эрон нефтини чет эллик харидорларга ташишнинг ноқонуний схемаси ҳақида бормоқда.
Схема иштирокчилари сохта ҳужжатлар ва бошқа воситалардан фойдаланган ҳолда нефтнинг келиб чиқиши қайси мамлакатга тааллуқли эканини яширишга ҳаракат қилган.
“Бу Эрондан нефтни ноқонуний сотиш ва ташишга ёрдам бериш орқали санкцияларни бузган ташкилотга нисбатан жиноят иши қўзғатилган биринчи ҳолат. Иш доирасида контрабанда йўли билан олиб келинган 980 минг баррелдан ортиқ нефть мусодара қилинди”, — дейилади Адлия вазирлиги хабарида.
Изоҳ (0)