AQSH prezidenti Jo Bayden “Global Janub” davlatlarini Xitoydan uzoqlashtirishga intilmoqda va shu maqsadda Hindistonda boshlanadigan G20 sammitidan foydalanmoqchi.
Foreign Policy nashrining yozishicha, AQSH Xitoy hamkorlariga mamlakat so‘nggi yillarda ilgari surayotgan global “Bir kamar, bir yo‘l” tashabbusiga o‘zining muqobil variantini taklif qilmoqchi.
Nashrning qayd etishicha, Bayden Hindistonga bir kun avval – birinchilardan bo‘lib kelgan va sammitda Xitoy yetakchisi Si Szinpin ham, Rossiya prezidenti Vladimir Putin ham yo‘qligidan foydalanishga harakat qilmoqda.
AQSh prezidenti zudlik bilan Xitoyning rivojlanayotgan mamlakatlardagi ta’siriga qarshi G20 takliflarini e’lon qila boshladi.
Xususan, u rivojlanayotgan mamlakatlarga qarzlarini to‘lashda yaxshiroq yordam berish uchun Jahon banki va Xalqaro valyuta jamg‘armasini (XVJ) yanada rivojlantirish rejalarini eʼlon qildi.
“Ehtiyoj ko‘lamidan kelib chiqib, shuningdek, Xitoy “Bir kamar, bir yo‘l” tashabbusi orqali majburiy va barqaror bo‘lmagan kreditlash jarayonini olib borayotganini inobatga olgan holda, biz mamlakatlar duch kelayotgan muammolarni hal qilish uchun yuqori standartli, yuqori samarali yechimlar mavjudligini ta’minlashimiz kerak”, — dedi AQSH Milliy xavfsizlik bo‘yicha maslahatchi Jeyk Sallivan.
Izoh (0)