Toshkentning ikki tumani Mirobod va Olmazorning ayrim hududlarida gaz taʼminoti vaqtincha to‘xtatiladi. Bu haqda “Hududgaz Poytaxt” GTF axborot xizmati xabar berdi.
Ma’lum qilinishicha, taʼmirlash ishlari tufayli Mirobod tumanining “Banokatiy” mahallasiga 5-sentabr kuni soat 10:00 dan 17:00 gacha tabiiy gaz yetkazib berish vaqtincha to‘xtatiladi:
- Aholi isteʼmolchilari soni — 154 ta;
- Ulgurji isteʼmolchilari soni — 1 ta.
Shuningdek, Olmazor tumanining “Ahil”, “Yangi Toshkent”, “Paxta”, “Moyariq” va “G‘.Agzamov” mahallalariga 5-sentabr kuni soat 11:00 dan 17:30 gacha tabiiy gaz yetkazib berish vaqtincha to‘xtatiladi:
- Aholi xonadonlari soni — 5037 ta;
- Ulgurji isteʼmolchilari soni — 36 ta.
Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
Bundan avval metan zapravkalarga gaz yetkazib berish cheklangani haqida xabarlar tarqalgandi. Energetika vazirligi buni rad etib, barcha metan zapravkalarga ularning talablariga asosan belgilangan limitga ko‘ra, tabiiy gaz to‘liq yetkazib berilganini bildirgan.
Izoh (0)