Тошкентнинг икки тумани Миробод ва Олмазорнинг айрим ҳудудларида газ таъминоти вақтинча тўхтатилади. Бу ҳақда “Ҳудудгаз Пойтахт” ГТФ ахборот хизмати хабар берди.
Маълум қилинишича, таъмирлаш ишлари туфайли Миробод туманининг “Банокатий” маҳалласига 5 сентябрь куни соат 10:00 дан 17:00 гача табиий газ етказиб бериш вақтинча тўхтатилади:
- Аҳоли истеъмолчилари сони — 154 та;
- Улгуржи истеъмолчилари сони — 1 та.
Шунингдек, Олмазор туманининг “Аҳил”, “Янги Тошкент”, “Пахта”, “Мояриқ” ва “Ғ.Агзамов” маҳаллаларига 5 сентябрь куни соат 11:00 дан 17:30 гача табиий газ етказиб бериш вақтинча тўхтатилади:
- Аҳоли хонадонлари сони — 5037 та;
- Улгуржи истеъмолчилари сони — 36 та.
Юзага келаётган ноқулайликлар учун газ таъминоти филиали истеъмолчилардан узр сўрайди.
Бундан аввал метан заправкаларга газ етказиб бериш чеклангани ҳақида хабарлар тарқалганди. Энергетика вазирлиги буни рад этиб, барча метан заправкаларга уларнинг талабларига асосан белгиланган лимитга кўра, табиий газ тўлиқ етказиб берилганини билдирган.
Изоҳ (0)