Qashqadaryo viloyati Yakkabog‘ tumanidagi maktabda ota-onalar farzandlari uchun yosh, oliy maʼlumotli o‘qituvchi talab qildi. Viloyat Maktabgacha va maktab taʼlimi boshqarmasi holat yuzasidan tushuntirish berdi.
Unga ko‘ra, murojaatda keltirilgan vajlarni o‘rganish va tegishli tartibda rasmiy izoh berish maqsadida tezkorlik bilan Yakkabog‘ tuman maktabgacha va maktab taʼlimi bo‘limi va masʼul tashkilotlar tomonidan atroflicha o‘rganildi.
Aniqlanishicha, Yakkabog‘ tuman maktabgacha va maktab taʼlimi bo‘limiga qarashli 4-umumtaʼlim maktabida 2023/2024-o‘quv yilida 850 nafar o‘quvchi taʼlim-tarbiya olib kelmoqda. Joriy yil 89 nafar o‘quvchi 1-sinfga qabul qilindi. Barcha 1-sinf o‘quvchilariga Prezident sovg‘alari tantanali ravishda topshirildi.
Murojaatchilar tomonidan 4-sentabr kuni 1-sinf ota-onalari 1-“A” sinf rahbari O.D. farzandlarini o‘qitmasligini, oliy maʼlumotli o‘qituvchi o‘qitishini so‘ralgan murojaati bo‘yicha masʼul xodimlar ishtirokida o‘rganish ishlari amalga oshirildi. Shuningdek, ota-onalar tomonidan bildirilgan eʼtirozlar nafaqat bo‘lim xodimlari, balki Yakkabog‘ tuman IIB psixolog-inspektorlari, maktab rahbariyati bilan birgalikda atroflicha muhokama etildi.
O‘rganish natijalari yakuni bo‘yicha ota-onalar bilan tushuntirish ishlari olib borildi va 1-“A” sinfga o‘qitishni istamagan ota-onalarning farzandlari boshqa sinflarga o‘rnatilgan tartib asosida o‘tkazilgan.
Izoh (0)