Лига 1. “ПСЖ” 5 та гол урилган ўйинда “Лион” устидан йирик ҳисобда ғалаба қозонди 

Футбол бўйича Франция чемпионатининг 4-турида “ПСЖ” 3 сентябрь, якшанба куни “Лион”га қарши баҳс олиб борди.

Учрашувнинг дастлабки дақиқаларидаёқ парижликлар пенальти ишлаб олди. 4-дақиқада Мбаппе пенальтидан унумли фойдаланди. 20-дақиқада эса Ашраф Ҳакими ҳисобни ишончли кўринишга олиб келди. 38-дақиқада Марко Асенсио ҳам ўз ҳисобига гол ёздириб қўйди. Биринчи бўлим сўнгида Килиан дублни расмийлаштирди. 

Иккинчи бўлимда “Лион” ҳисобни қисқартирди. 74-дақиқада Корентин Толиссо пенальтини аниқ амалга оширди. Қолган дақиқаларда дарвозалар ишғол этилмади ва Париж клуби йирик ғалабани расмийлаштирди.

“ПСЖ” очколари сонини 8 тага етказди ва 2-ўринга кўтарилиб олди.

Лига 1

4-тур баҳси

3 сентябрь, якшанба

“Лион” – “ПСЖ” 1:4

Голлар: 0:1 – 4 Мбаппе (пенальти), 0:2 – 20 Ҳакими, 0:3 – 38 Асенсио, 0:4 – 45 Мбаппе, 1:4 – 74 Толиссо (пенальти).

“Лион”: Антони Лопеш, Мата, Чалета-Сар, Диоманде, Таляфико, Толиссо (Лепенан, 80), Мэйтленд-Найлз, Какре, Шерки (Алверо, 76), Кадевере (Балде, 46), Нуама (Жеффино, 76).

“ПСЖ”: Доннарумма, Ҳакими, Маркиньос, Шкриньяр, Эрнандес, Угарте (Фабиан Руис, 75), Витиня, Заир-Эмери (Ндур, 86), Дембеле (Барколя, 75), Асенсио (Гонсалу Рамуш, 75), Мбаппе.

Огоҳлантиришлар: Толиссо (3), Эрнандес (48), Мэйтленд-Найлз (58), Заир-Эмери (73).