Birlashgan Millatlar Tashkilotining Qochqinlar bo‘yicha Oliy komissarligi boshqarmasi 2023-yil aprel oyida o‘z hududida qurolli to‘qnashuvlar boshlanganidan keyin mamlakatni tark etishga qaror qilgan sudanliklarga 1 milliard dollar miqdorida yordam so‘radi.
“BMTning Qochqinlar bo‘yicha oliy komissarligi boshqarmasi va 64 ta gumanitar tashkilot bugun 2023-yil oxirigacha Sudan bilan chegaradosh beshta davlatga kelishi kutilayotgan 1,8 milliondan ortiq qochqinga zarur yordam va himoyani taʼminlash uchun 1 milliard dollar so‘radi”, — deyiladi tashkilot bayonotida.
BMTning Qochqinlar bo‘yicha Oliy komissarligi boshqarmasi ma’lumotlariga ko‘ra, qochqinlar uchun mintaqaviy favqulodda vaziyat rejasi doirasida shu paytgacha qilingan xayriyalar yetarli bo‘lmaydi va gumanitar yordamga “ortib borayotgan ehtiyojning atigi 19 foizini” qoplaydi.
Qayd etilishicha, so‘ralgan mablag‘lar qochqinlarni suv va oziq-ovqat bilan ta’minlash, pul nafaqalari, shuningdek, tibbiy xizmat ko‘rsatish va vaqtincha yashash joylariga joylashtirish uchun sarflanishi ko‘zda tutilgan.
Izoh (0)