Бирлашган Миллатлар Ташкилотининг Қочқинлар бўйича Олий комиссарлиги бошқармаси 2023 йил апрель ойида ўз ҳудудида қуролли тўқнашувлар бошланганидан кейин мамлакатни тарк этишга қарор қилган суданликларга 1 миллиард доллар миқдорида ёрдам сўради.
“БМТнинг Қочқинлар бўйича олий комиссарлиги бошқармаси ва 64 та гуманитар ташкилот бугун 2023 йил охиригача Судан билан чегарадош бешта давлатга келиши кутилаётган 1,8 миллиондан ортиқ қочқинга зарур ёрдам ва ҳимояни таъминлаш учун 1 миллиард доллар сўради”, — дейилади ташкилот баёнотида.
БМТнинг Қочқинлар бўйича Олий комиссарлиги бошқармаси маълумотларига кўра, қочқинлар учун минтақавий фавқулодда вазият режаси доирасида шу пайтгача қилинган хайриялар етарли бўлмайди ва гуманитар ёрдамга “ортиб бораётган эҳтиёжнинг атиги 19 фоизини” қоплайди.
Қайд этилишича, сўралган маблағлар қочқинларни сув ва озиқ-овқат билан таъминлаш, пул нафақалари, шунингдек, тиббий хизмат кўрсатиш ва вақтинча яшаш жойларига жойлаштириш учун сарфланиши кўзда тутилган.
Изоҳ (0)