2023/2024-o‘quv yili uchun oliy ta’lim muassasalarining (OTM) bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi. Bu yilgi imtihonlardan 754 ming 579 abituriyent o‘ta olmadi.
Joriy yilda O‘zbekistondagi oliy taʼlim muassasalarining (OTM) bakalavriat yo‘nalishiga o‘qishga kirish uchun 948 ming 486 nafar abituriyent test sinovida ishtirok etishi belgilangandi. Bilimni baholash agentligining bugungi (23-avgust) eʼlonida ulardan jami 193 ming 421 nafari talabalikka tavsiya etilgani maʼlum qilindi. Shundan 42 ming 655 nafari davlat granti, 150 ming 766 nafari to‘lov-kontrakt asosida talaba bo‘lgan.
Tanlov natijalariga ko‘ra, davlat granti asosida o‘rtacha ball 119,3 ballni, to‘lov-kontrakt asosida o‘rtacha ball esa 93,3 ballni tashkil etdi.
Abituriyentlarning salkam yarmi (49,4 foiz) o‘tish ballining eng quyi chegarasi bo‘lgan 56,7 ballni ham to‘play olmagan. Eng kam balldan past ball to‘plagan abituriyentlarning 70,5 foizi avvalgi yillarda o‘qishni tugatganlar, 29,5 foizi joriy yilgi bitiruvchilar bo‘lgan.
Joriy yilda maktablarni tugatgan 359 ming 790 nafar yoshlar testga kirgan. Shularning 36 foizi (129 ming 609) 56,7 balldan kam to‘plagan. 2023-yilda eng yomon ko‘rsatkich Andijon viloyatida (41,9 foiz), eng yaxshi ko‘rsatkich esa Buxoro viloyatida (27,1 foiz) qayd etilgan. Yaʼni Buxoroda joriy yili maktabni tugatgan o‘quvchilarning 72,9 foizi 56,7 balldan ko‘proq natija ko‘rsatgan.
Izoh (1)
Ассалом углим Амирбек 131,50бал Билан институтдан йикилди иложи буса углимни институтга киритишни истайман 3йил курс олди биология 77%кимё70%ишлаган инобатга олинмади хакикат бу́мади бази абитурентлар ёлгондакам бал Билан хам талаба бу́лди