2023/2024-ўқув йили учун олий таълим муассасаларининг (ОТМ) бакалавриат таълим йўналишларига кириш тест синовлари бўйича танлов натижалари эълон қилинди. Бу йилги имтиҳонлардан 754 минг 579 абитуриент ўта олмади.
Жорий йилда Ўзбекистондаги олий таълим муассасаларининг (ОТМ) бакалавриат йўналишига ўқишга кириш учун 948 минг 486 нафар абитуриент тест синовида иштирок этиши белгиланганди. Билимни баҳолаш агентлигининг бугунги (23 август) эълонида улардан жами 193 минг 421 нафари талабаликка тавсия этилгани маълум қилинди. Шундан 42 минг 655 нафари давлат гранти, 150 минг 766 нафари тўлов-контракт асосида талаба бўлган.
Танлов натижаларига кўра, давлат гранти асосида ўртача балл 119,3 баллни, тўлов-контракт асосида ўртача балл эса 93,3 баллни ташкил этди.
Абитуриентларнинг салкам ярми (49,4 фоиз) ўтиш баллининг энг қуйи чегараси бўлган 56,7 баллни ҳам тўплай олмаган. Энг кам баллдан паст балл тўплаган абитуриентларнинг 70,5 фоизи аввалги йилларда ўқишни тугатганлар, 29,5 фоизи жорий йилги битирувчилар бўлган.
Жорий йилда мактабларни тугатган 359 минг 790 нафар ёшлар тестга кирган. Шуларнинг 36 фоизи (129 минг 609) 56,7 баллдан кам тўплаган. 2023 йилда энг ёмон кўрсаткич Андижон вилоятида (41,9 фоиз), энг яхши кўрсаткич эса Бухоро вилоятида (27,1 фоиз) қайд этилган. Яъни Бухорода жорий йили мактабни тугатган ўқувчиларнинг 72,9 фоизи 56,7 баллдан кўпроқ натижа кўрсатган.
Изоҳ (1)
Ассалом углим Амирбек 131,50бал Билан институтдан йикилди иложи буса углимни институтга киритишни истайман 3йил курс олди биология 77%кимё70%ишлаган инобатга олинмади хакикат бу́мади бази абитурентлар ёлгондакам бал Билан хам талаба бу́лди