Saudiya Arabistoni klublari Yevropa Chempionlar Ligasida ishtirok etishi mumkin.
Corriere dello Sport nashrining xabariga ko‘ra, Saudiya Arabistoni futbol assotsiatsiyasi Chempionlar Ligasining 2024/25-yilgi mavsumidan boshlab, musobaqada ishtirok etish imkoniyatlarini ko‘rib chiqmoqda.
Arab mamlakati futboli vakillari Saudiya Pro-ligasi g‘olibi Yevrokubokning “uayld kard”ini qo‘lga kiritishini xohlamoqda. Bu uchun UEFA bilan muzokaralar olib borishga to‘g‘ri keladi.
Saudiya futboli rahbarlari bu qadamni mahalliy futbol nufuzini oshirish va jamoalarga dunyoning eng yaxshi klublari bilan raqobat qilishiga imkon berish uchun tashlamoqchi.
Ma’lumot uchun “Uayld kard” (Wild card) — sportda, biror musobaqada qatnashish uchun standart talablardan chetlab o‘tadigan sportchi yoki jamoaga beriladigan maxsus taklifnoma.
Izoh (0)