Jizzax viloyati Sharof Rashidov tumanida fermer xo‘jaligi elektr energiyasidan noqonuniy ravishda foydalanib kelgani aniqlandi, deb xabar beradi Energetika vazirligi matbuot xizmati.
Qayd etilishicha, “O‘zenergoinspeksiya” tomonidan huquqni muhofaza qiluvchi organlar va “Hududiy elektr tarmoqlari” AJ bilan hamkorlikda Jizzax viloyatida nazorat tadbirlari o‘tkazilgan. Tadbirlar davomida Sharof Rashidov tumani “Yangi diyor” MFYda joylashgan “M.S.” fermer xo‘jaligida elektr energiyasidan noqonuniy foydalanish holati aniqlangan.
Ushbu fermer xo‘jaligi elektr qurilmalarini elektr hisoblagichsiz tarmoqqa ulab, 223 ming kVt/soat elektr energiyasidan noqonuniy foydalanib kelgani va buning natijasida taʼminot korxonasiga 100,4 million so‘m miqdorida zarar keltirgani maʼlum bo‘lgan.
Aniqlangan holat yuzasidan rasmiylashtirilgan hujjatlar belgilangan tartibda huquqni muhofaza etuvchi organlarga taqdim qilingan.
“O‘zenergoinspeksiya” bergan ma’lumotlarga ko‘ra, iyul oyida 573 ta holatda isteʼmolchilar tomonidan tabiiy gaz va elektr energiyasidan noqonuniy foydalanish holatlari aniqlandi. Noqonuniy foydalanishning eng ko‘p holatlari Andijon, Samarqand, Navoiy va Toshkent viloyatlari hissasiga to‘g‘ri keladi.
Izoh (0)